Egoera eskandalu politikoa da eta sekulako drama Giza Eskubideen alorrari dagokionez. Ibon Iparragirreren bizitza jokoan dago eta espainiar Estatuak eta Espetxetako Zuzendaritzak ez dute ez gizatasunik ezta bakearen, giza eskubideen eta demokraziaren baloreekiko inolako errespeturik izan. Euskal Herrian hainbat eragileek eskubide guztiak errespetatu eta bermatuko dien konponbide demokratiko baten alde egin dugunean, paraleloki Ibon Iparragirre pairatzen ari den sufrimendua eta bortizkeria politikoa dago.
Onartezina da Ibon Iparragirreren egoeran dagoen pertsona batek, erietxe publiko baten barruan eskuburdinekin izatea eta inolako eskubiderik gabe. Are gehiago, bere zaintzaren ardurapean EAEko Polizia autonomikoa dagoenean.
Ibon Iparragirreren berehalako askatasuna exijitzen dugu, baita gaixo dauden beste euskal preso politikoena ere. Horrekin batera, egun indarrean dagoen espetxe politikak ezin du Euskal Herriarentzat bake eta eskubide urraketarik gabeko agertoki bat ukatzen duen oztopo erraldoia.
Indarrean dagoen espetxe politika Europan dagoen bortizkeria politikorik handiena da. Ez du lekurik Euskal Herrian, ez ditu giza eskubideak errespetatzen eta gure senide eta lagunak eta Euskal Herrian gehiengo zabal batek eta nazioarteko prestigio altuko hainbat erakundeek arbuiatu dute.
Etxean nahi ditugu.
Etxerat
www.etxerat.info
Etxerat elkarteak Ibon Iparragirre euskal preso politikoa berehala askatzea exijitzen du. Bere osasun egoera oso oso larria da, hiesa du eta bere defentsek nabarmen egin dute behera, eta sukarrak jota Basurtuko Ospitalera lekuz aldatu behar izan dute. Zenbatu ezinak dira azken hilabetetan Ibon Iparragirreren askatasuna eskatu duten ahotsak, baina antza espainiar Estatuak ez du presarik presoaren eskubideak babesteko eta egoera muturrera heldu den arte ez dute erietxera eraman. Ez dago eskubiderik, behin eta berriz ari dira gure senide eta lagun presoen bizitzekin jolasten. Argazkian pasa den uztailaren 30ean, Iparragirre gaixo terminala izateagatik aska zezaten eskatu zuten Ondarroako auzokideek / © Turrune!
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun