Gazteek beraien ikuskizunak (kantak, antzerkia, dantza, bertsoak...) euskaraz eskaini beharko dituzte eta, aurtengo berritasuna, ikus-entzunezko formatudun ikuskizunak ere (bideoklipak, film laburrak…) aurkezteko aukera izango da. Horien iraupena 2 eta 10 minuturen artekoa izan beharko da. Taldeka izena emanez gero, gehienez 6 pertsonatako taldeak onartuko dira eta talde bakoitzak ikuskizun bakarra aurkeztu ahal izango du. Bina sari banatuko dira Getxon zein Mankomunitatean: euskarari saria bideo kamara bat eta Ikuskizunari MP5 bat.
Ekintza osagarriak
Berritasun bezala ere, galari begira, aurten eskualdeko hainbat gaztek, beste eskualde batzuetakoekin batera parte hartu zuten udan Urduñako barnetegian antolatutako Sormen Topaketetan; antzerki teknikak, bideogintza, musika, gorputz espresioa… lantzen. Gainera, oraingoan, neska-mutilek Revolta Permanent taldearen bideokliparen grabazioan, Algortako Portu Zaharrean, estra moduan parte hartzeko aukera izango dute. Horretarako info[abildua]izarrendistira.com helbiera idatzi beharko dute.
Azaroaren 6an Areetako Andres Isasi Musika Eskolan izango den Izarren Distira galan parte hartuko dutenak aukeratzeko hautaketa probak hilaren 26an eta 27an izango dira Getxo udalerrian. Uribe Kostako Mankomunitateari dagokionez, azaroaren 12an, 19:00etan, Sopelako Kurtzio Kultur Etxean erakustaldia izango da. Horretarako, gazteek hautaketa proban parte hartu beharko dute. Bertan, epaimahai profesional bat egongo da gazteei aholkuak eman eta beraien ikuskizunak hobetzen laguntzeko. Hautaketa frogak ondoko egunetan ospatuko dira: urriaren 19an Gorlizen eta urriaren 20an Urdulizen. Getxo zein Mankomunitateko casting-etan parte hartzeko interesatuek info[abildua]izarrendistira.com helbidera idatzi behar dute. Argazkian, hainbat neska-mutil saria eskuartean / © Izarren Distira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun