Hona hemen egitaraua:
- 10:00 Gibelurdinen musika animazioa.
- 12:00 Herri kirolak.
- Ondoren, aurresku eta ekitaldia.
- 15:00 Bazkari herrikoia.
- Bazkal ostean jolasak.
- 12. Indabadaren argazki erraldoia.
- 18:00ak inguru poteoa.
- Eta Bukatzeko sorpresak eta gaupasa Txorimalo gaztetxean!
"Herriaren gosea, herriak asetu!" lelopean, urriaren 29an, larunbata, egingo dute Algortako Bihotz Alai plazan Indabadaren 12. edizioa. Eta dagoeneko Algortako Gazte Asanbladak (AGA) prest dauka egun horretarako egitaraua: babajan eguna 10:00etan abiatuko dute, diana, sagardo txotxa eta Gibelurdinek taldearen musika animazioaren bitartez, gero herri kirolekin jarraitzeko eguerdi aldean. Aurreskua eta ekitaldia bazkalaurretik egingo dituzte eta, sabelak bete ondoren, Indabadaren bazkari erraldoia aterako da. Plaza ganoraz bildu eta atondu ostean, poteoaren ordua helduko da, baita herriz aldatzeko tenorea ere, jaialdiak Getxoko Txorimalo gaztetxean jarraituko baitu, urteroko gaupasa dela medio. Txartelak 8 eurotan daude salgai Amnistia eta Katilu tabernetan, Eztabaida gunean eta Txorimalo gaztetxean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun