Ligak talde irabazle bakarra izango du, baina aurrez Ipar Euskal Herriko zein Hego Euskal Herriko irabazleak zeintzuk diren ikusi beharko da. Hegoaldeko taldeek beren artean lehiatu beharko dute, eta horrela erabakiko da Hegoaldeko irabazlea nor den. Bestalde, Iparraldeko bi taldeek ere elkarren artean lehiatu beharko dute irabazlea nor den erabakitzeko, eta azkenik, final handia egingo dute Hegoaldeko zein Iparraldeko irabazleen artean. Beraz finalean, zein taldek irabaziko duen bakarrik ez, aurtengo irabazlea "Iparraldea" ala "Hegoaldea" den ere erabakiko da.
Ligako txapelketak beti igandeetan izango dira, goizeko hamarretan, eta talde bakoitzak "etxean" nahiz aurkariarenean lehiatu beharko du. Horrela, igandean hiru lekutan izango dira lehen txapelketak.
• Getarian: Peña Txuri vs Lonjan (Getaria).
• Zarautzen: Bakio vs Baga (Zarautz).
• Lafitenian: Donibane Lohitzune vs Angelu.
Final handia, azaroaren 20an izango da Zarautzen eta amaiera ekitaldi baten ostean surflari guztiak batuko dituen afari eder bat egingo dute.
Igandean Peña Txurik abiatuko du Kantauri Liga, Euskal Herriko lehen Surf Liga
Etzi, igandearekin, lehenengo aldiz Euskal Herri osoko surflariak bilduko dituen Surf Liga abiatuko da Euskal Herria Kirolak erakundearen eskutik. Bertan euskal kostalde osoko surflariz osatutako taldeak lehiatuko dira Kantauri Liga bereganatzeko asmoarekin. Txapelketak eredu berritzailea izango du, txapelduna egun bakarreko txapelketa batean erabaki beharrean jardunaldi ezberdinak izango dituen liga izango baita. Aipatzekoa da ere, taldekako lehia izango dela. Sei taldek osatuko dute Kantauri Liga: Sopelako Peña Txuri, Bakio, Getaria (Lonjan), Zarautz (Baga), Donibane Lohitzune eta Angelu. Hegoaldeko lau talde eta Iparraldeko bi talde, beraz. Argazkian, Peña Txuri taldeko hainbat lagun artxiboko irudi batean / © Peña Txuri.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun