Prentsara zabaldutako komunikazioen arabera, Eurovisionekoa Noarekin izan duen "unerik hunkigarriena izan zen". Bertsio horren arabera, Noak eta Awaadek batera abestu zuten "eta horrek Israelen eta Palestinaren arteko senidetasun baketsua posiblea dela utzi zuen agerian".
Carlos Jeanek ekoiztutako "All My Faces" disko berriaren abestiak aurkeztuko ditu zuzenean Kultur Leioako Auditorium-ean. Apirilean kaleratutako lehenengo single "Bukra" (Bihar) izan zen, "arabiar herrialdeetan bizi diren une asaldatuei aurre egiteko bakeari eta itxaropenari dedikaturiko abestia". Mira Awad hainbat alorretan aritu da gaztetatik: musika munduan, zineman, antzerkian, musikaletan eta aurkezlea telebistan, besteak beste.
Israel nazioartean ordezkatu duen Mira Awad abeslari palestinarra izango da ostiralean Leioan
Mira Awad aktore, abeslari eta musikagile palestinarra Kultur Leioan izango da datorren ostiralean, hilak 21. Bertan "All My Faces" bere azken diskoa aurkeztuko die 22 euroko sarrera ordainduko dutenei. Aita palestinarra eta ama bulgariarra du Awadek. Prentsa ohar ofizialen arabera, Tel Aviv-en bizi den palestinarrak "bakearekiko konpromiso irmoa" du "txikitatik". Era berean, Gazaren aurkako "Berun urtua" operazio militarra babestu zuen Ajinoam Nini "Noa" abeslari israeldarraren lagun mina da eta berarekin batera hainbat emanaldietan hartu du parte. Besteak beste, Armada israeldarrak aipatu operazioan Gaza txikitu eta 1.412 palestinar hil eta gutxira, Eurovision Musika Jaialdian izan ziren Awad eta Noa, biak Israel ordezkatuz. Awadek azaldutakoaren arabera, "elkarrizketa eta askatasun mezua" zabaldu nahi zuen horrela, "zubiak eraikitzeko" asmoz. Argazkia: cc-by Urga41.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun