Espainiako Auzitegi Nazionalak auziperatuta dagoen auzi batetik baldintzapeko askatasuna agindu zuen Iparragirrerentzat. Oraindik, ordea, bigarren auzi batengatik hiru urteko espetxe zigorra betetzen ari da, eta ez du askatasuna berreskuratu. Aste honetan bigarren auzi horrekiko adierazpenen bat jasotzea espero dutela adierazi dute Egin Dezagun Bidea ekimenekoek.
Ibon Iparragirre preso politiko ondarrutarra Basurtuko ospitalean jarraitu bitartean, egunero izango dira elkarretaratzeak, 19:00etan, gaixoa dagoen pabiloiaren kanpoaldean. Hain zuzen ere, asteazkenean helduko zaie txanda Uribe Kostako herritarrei. Egun horretan erietxean kontzentratzera deitu ditu eskualdeko herritarrak Amnistiaren Aldeko Mugimenduak. Iparragirrek GIB birusa du eta joan den astean eraman dute Basurtoko ospitalera biriketan infekzioa duelako. Ostiralera arte, ordea, ezin izan du bisitarik jaso. Abuztuan ekarri zuten Euskal Herrira, Basauriko espetxera, bere osasun egoera txarra dela eta. Senide eta lagunek azaldu dutenez, "gripe soil batek, bere bizia arriskuan jar dezake". Argazkian, pasa den uztailaren 30ean, Iparragirre gaixo terminala izateagatik aska zezaten eskatu zuten Ondarroako auzokideek / © Turrune!.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun