Ikasleen artean kultura ekintzailea sustatuko dute gaurtik aurrera Leioako campusean
Gaur, astelehena, goizeko 11etan, Leioa eta Erandioko campusean kokatuko dute Ekinbus-a. EHUko ikasleen artean kultura ekintzailea sustatu nahi duen jarduerak Araba, Bizkaia eta Gipuzkoako campusak bisitatuko ditu, gaurtik hasita. Hain zuzen ere, enpresak sortzeko babesa ematen duten unibertsitateko hiru programen ekimena da (Araban Inizia, Bizkaian Zitek eta Gipuzkoan Entreprenari). Hilaren 17tik 21era bitartean Ekinbusa Leioa eta Erandioko campuseko hiru puntu estrategikotan egongo da kokatuta: gaur, astelehena, autobusa Medikuntza eta Odontologia Fakultatearen aurrealdean egongo da; astearte eta asteazkenean, ibilgailua Arte Ederren Fakultatera joango da; eta ostegun eta ostiralean, Mikel Laboa plazan egongo da aparkaturik. Bere ordutegia 11:00etatik 15:00etara izango da. Hiru kokaleku horiek nahita aukeratutakoak dira, ekimena lehenik eta behin ia seguru autoenplegura jo beharko duten kolektiboei zuzenduta dagoelako, hau da, Zuzenbidea, Odontologia, Arte Ederrak, Gizarte Zientziak eta Gizarte Hezkuntza. Argazkia: © EHU.
Ekinbus-a punk itxurazko estetika apurtzailea duen school-bus bat da. Bere helburua ikasleak erakartzea da, hainbat jarduera ludikoren bidez ekimenaren irudi positiboa transmititzeko. "Do it yourself" (Zuk zeuk egin ezazu!) lelopean, ekintzailearen irudi erakargarri bat eskaini nahi da EHUko ikasleen etorkizunerako. Ibilgailuaren estetika, Elektrotuna Orkrestaren zuzeneko musika (urriaren 17an, 18an eta 20an) eta antzerki talde baten emanaldia ikasleak autobus barrura erakartzeko tresnak izango dira. Bertan, ekintzaileei buruzko informazio zehatza izango dute eskuragarri, bai paperean zein pertsonalizatua. Era berean, ikus-entzunezko muntai batekin UPV/EHUko programei esker beraien enpresa propioa aurrera ateratzea lortu duten hainbat ekintzaileren kasuak ezagutzeko aukera ere izango dute. Ikasleek modu aktiboan parte hartu ahal izango dute ekimenean, informazioa eskatuz, antzerki taldearekin elkarrekin eraginez, ekimenaren kulturari buruzko beraien iritziak emanez edota "photocall" batean argazkiak ateraz gero Facebookean eskegitzeko. Gainera, kamiseta esklusiboen eta tableten zozketan ere parte hartu ahal izango dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun