Lehen Hezkuntzako ikasle eta irakasleek Zinema Euskaraz programako "Elina", "Katu bat Parisen" eta "Otsoaren Misterioa" ikusiko dituzte, Zineskolako Zineuskara Gizartean programaren barnean, 3 urtetatik 12 urtetarako eskola umeen artean euskararen erabilera kulturala bultzatzen duena.
“Baloreetan oinarrituriko hezkuntza” programarako, DBH-ko ikasleriari zuzenduta dagoena, kurtso honetan aukeratutako izenburuak "Lurralde Debekatua" eta "Mundu hobe batean" dira. Lehenengoan Harrison Ford eta Ray Liotta aktoreek hartzen dute parte, kultura elkarketak eta etorkinak gizarteratzeko bizi ditzaketen arazoak aztertzen dituena. "Mundu hobe batean", 2011. urtean atzerriko filmeko Oskar eta Urrezko Globoa irabazi zituen, eta hau indarkeriazko jarrerak eta familiaren afektibitate ezaren ondorioak aztertzeko izan da aukeratua.
Zinema Euskarazen helburuak
Eusko Jaurlaritzako Kultura Sailaren programa horren helburua "hiritarrei zinema euskaraz ikusteko aukera ematea da, zinema euskaraz eskatzen dutenentzat eskaintza nahikoa bermatuz eta euskara kultura eta gizarte-erabilpeneko hizkuntzatzat sustatuz". Helburu hori garatzeko Zinema Euskaraz programak, bost jarduera jarri ditu martxan adin guztietako ikusleei zinema euskaraz ikusteko aukera emateko: Zine-aretoetako estreinaldiak, DVDen salmenta, Interneteko streaminga www.kulturklik.net eta www.eitb.com webguneen bidez, udalerrietako zine-aretoak eta eskolak.
Ekimen horren bidez, "zinemaren balioak bultzatu eta euskara kulturaren alorreko komunikazio-tresnatzat eta aisia eta denbora-pasaren alorreko normalizazio-tresnatzat sustatuko duen film-aukeraketa bat helarazi nahi" zaie euskal hiritarrei.
Zineskola Eusko Jaurlaritzako Enplegu eta Gizarte Gaietako Sailak sustatzen du eta zinearen formatu ludiko eta kulturala erabiltzen du LH, DBH, Batxilergoa eta irakaskuntza ez arautuetako ikasleak hezteko didaktika unitate zehatzen bidez.
Euskarazko filmak izango dituzte ikusgai Getxo, Sopela eta Erandioko ikasleek
Erandio, Getxo eta Sopela udalerrietako ehunaka ikaslek eta irakaslek Zinema Euskaraz eta Zineskola programako hainbat film izango dituzte ikusgai ikasturte honetan. Besteak beste, "Elina", "Katu bat Parisen", "Otsoaren Misterioa", "Lurralde Debekatua", "Mundu hobe batean", "Bon Appettit" eta "Neds" filmez gozatu ahal izango dute, Eusko Jaurlaritzako Kultura Sailak gaur iragarri duenez. Guztira, Bizkaiko 25.000 ikaslek joango dira zinema aretoetara zazpigarren artea euskaraz ikustera. Lehen Hezkuntza eta DBHren kasuan, Getxo udalerriko ikasleek izango dute aukera. Batxilergoko eta DBHko 4. mailari dagokionez, Getxokoak ez ezik Sopelako eta Erandioko ikasleek eta irakasleek ere "Bon Appetti", "Neds" eta "Mundu hobe batean" filmak ikusiko dituzte, Zineskolako "Osasunerako Hezkuntza" atalerako aukeratutako izenburuak, droga, gainerako menpekotasunak eta ohitura gaitzen prebentzioa planteatzen dutenak. Argazkian, "Mundu hobe batean" filmaren fotograma bat / © Zinema Euskaraz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun