Astrabuduko Josu Murueta plazan kokatutako udal informazio pantaila elektronikoa "utzita" daukatela salatu du Erandioko PSE-EEk. Juan Otermin bozeramaile sozialistak gogoratutakoaren arabera, E Planaren 12.000 euro erabilita, 2010eko uztailean jarri zituen udalerrian horrelako lau azpiegitura Udalak, Interneterako sarbide eta guzti. "Urtebetera, besteak beste, Astrabuduko pantailaren egoera erabat lotsagarria da: hilabeteak daramatza funtzionatu barik, ez dute garbitzen, txistua eta mota guztietako lohikeriak aurki daitezke pantailan. Egoera tamalgarria da. Kartelak eta pegatinak jartzeko baino ez du balio", Oterminen hitzetan. Bestalde, wifi konexioa "nahiko ezegonkorra" dela diote PSE-EEkoek. Altzagako pantailari dagokionez, informazioa behar bezain beste berriztatzen ez dutela adierazi dute. Gauzak horrela, garbiketa, mantenu eta, "existituko balitz", informazio eguneraketa lanak erregularki egitea eskatu diote Joseba Goikouria alkate jelkideari. Argazkia: © PSE-EE.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun