Gaur aurkeztuko dituzte Espainiako Waterpolo Ligako lehenengo mailan jokatuko duten bi talde leioaztarrak
Gaur, urriak 18, asteartea, Espainiako Ligako lehenengo mailan jokatuko duten Leioako waterpolo taldeen aurkezpena izango da Mendibile Jauregian, arratsaldeko 6:30ean. Ekitaldian 2011/2012 denboraldiaren ezaugarri guztiak emango dira jakitera: besteak beste herriko waterpolo talde biak lehen mailan izango direlako historian lehen aldiz. Alde batetik, gizonezkoen kategorian, Askartza Leioa; eta bestetik, emakumezkoen Leioa Ask taldeak izango dira maila gorenean. Aurkezpen ekitaldiaren ostean lunch bat izango da Mendibile Jauregian bildutako guztientzat. Argazkian, Jon Lopez entrenatzailea Leioa Waterpolo taldeko neskekin / © Leioa Waterpolo.
Gaur izango den ekitaldian hainbat aurpegi ezagun izango dira, horien artean: Eneko Arruebarrena Leioako alkatea, Udaleko Kirol Saileko arduradunak, Udaleko Osoko Bilkura osatzen duten alderdi politikoen ordezkariak, Julio Lertxundi Bizkaiko Igeriketa Federazioaren presidentea eta Iñigo Garate waterpolo saileko zuzendaria, Askartza eskolako zuzendariak, Askartza kirol instalazioetako arduradunak, eta Udaleko Kirol Institutuarenak, Askartza Klubeko zuzendaritza, Master Absolete-en ordezkariak, eta talde bien jokalari, zuzendaritza, eta talde tekniko guztia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun