Eraikina Zientzia Parkearen hegoaldean egongo da, campusean egun dauden erakinen ondoan. 1.890 metro koadroko azalera eta bost solairu (sotoa eta beheko solairua barne) izango ditu, eta sestraren gainean eraikitako azalera osoa 7.224 metro koadrokoa izango da, EHUko iturriek zehaztu dutenez. Lehen eta bigarren postuan sailkatuko diren proiektuei 21.000 eta 9.000 euro emango diete, hurrenez hurren. Epaimahaiaren erabakia jakin ondoren, lehiaketan aurkeztu diren 26 proposamenak jasoko dira argitalpen batean.
Epaimahaia
Honako hauek osatuko dute epaimahaia: EHUko ordezkariek, Bizkaiko Teknologia Parkeko ordezkariek (EHUko Zientzia Parkeko kudeatzaileak) eta Leioako Udaleko ordezkariek (eraikina Leioan egingo baita). Epaimahaiak uneoro jasoko du batzorde teknikoaren aholkua. Izan ere, horrek txosten bat egingo du, aurkeztutako proposamenen ezaugarri nagusiak balioesteko: iraunkortasuna, zerbitzuak, gela-kopurua, eta abar.
Euskal Herriko Unibertsitateak (EHU) ideia-lehiaketa antolatu du, ikertzaileak eta graduondoko ikasleak hartuko dituen eraikin bat egiteko, Leioa eta Erandioko campuseko Zientzia Parkean. Bizkaia Aretoan, EHUko Paraninfoan (Abandoibarra kalea 3, Bilbo) antolatutako erakusketan bildu dituzte sariketara aurkeztu diren 26 proiektuak. Jendeak erakusketa ikusi ahal izango du urriaren 28ra arte, 8:00etatik 20:00etara, Bizkaia Aretoko Oteiza aretoan. Egun berean, epaimahaiak erabakia jakinaraziko du. Lehiaketaren helburua ikertzaileak eta graduondoko ikasleak barnean hartzeko eraikin bat egiteko proposamenak jasotzea izan da, eta Nazioarteko Bikaintasun Campusa, Euskampus, proiektuaren funtsen bidez finantzatu da. Argazkian, uda aurretik EHUko Zientzia Parkean Biofisika Unitatea eraikitzeko hitzarmena izenpetu zuten / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun