Hainbat leioaztar bertaratu ziren astearteko aurkezpen ekitaldira, besteak beste, udal ordezkariak. Baina, eguneko protagonistak talde bietako jokalariak eta teknikoak izan ziren. Jon Lopez Leioa Ask taldeko emakumeen entrenatzaileak orain arte izandako publikoaren jarrera ona eskertzeko aprobetxatu zuen momentua. Bestalde, mutilen taldeko entrenatzaile Joan Albellak talde lana goraipatu zuen eta Sakoneta kiroldegiko zein Askartzako eguneroko lan gogorra garrantzitsua dela azpimarratu zuen.
Leioako waterpolo taldeen aurkezpena (© Leioa Waterpolo)
Espainiako Ligako lehenengo mailan jokatuko duten Leioako waterpolo talde leioaztarren aurkezpena egin zen joan den asteartean Mendibile Jauregian. Ekitaldi horretan hainbat gonbidatu izan ziren, baina benetako protagonistak Askartza Leioa gizonezkoen taldea eta Leioa Ask emakumeen taldea izan ziren. Hain zuzen ere, larunbat honetan, urriak 22, jokatuko dute bigarren partida mutil leioaztarrek. BBOSI Hospitalet izango dute aurrean, katalanen igerilekuan. Aurreko bi norgehiagokak galdu egin dituzte Leioakoek: lehenengoa, Molins de Rei-ren kontra (9-8) kanpoan eta, bigarrena, Concepcion madrildarren aurka (11-14) etxean. Orain, berriz, hiru talde indartsurekin lehiatu beharko dira: Hospitalet bera, iazko txapeldunorde La Latina Madrilen bertan, eta aurtengo faborito Echeyde kanariarrak Askartzako kiroldegian. Joan Arbella entrenatzailearen arabera, "taldea sendotu, sasoia hartu eta puntuatzeagatik ez arduratzea" da gakoa. Argazkian, Lehen Mailako bi taldeak batera / © Leioa Waterpolo.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun