Bihar hasiko dira Getxoko Ondarearen Jardunaldietako antzerki ibiltari saioak
Bihar, larunbata, Getxoko Ondarearen Jardunaldien barruko antzerki ibiltari emanaldiak hasiko dira. Beste urte batez, Bizkaiko Foru Aldundiaren Ondarearen Zerbitzuak bultzatzen duen ekimenarekin bat egiten du Udalak, Turismo bulegoaren bitartez. Oraingo honetan, “Argiak eta aurrerapena. Bizkaia Ilustrazioaren garaietan” lelopean. Antzerki saioak dohainik izango dira. Halaber, azaroaren 1era arte, erakusketa tematiko bi zabalik egongo dira: “Getxoko Aixerrota” Aixerrotako erakustaretoan eta “Getxo, itsasadarreko zelataria eta zaintzailea” Algortako azokan, Torrene kalean. Informazio gehiago jasotzeko eta izena emateko ondoko bideak erabil daitezke: Getxoko Turismo Bulegoa, telefono zenbakia 944 910 800, infoturismo[abildua]getxo.net edo www.getxo.net/turismo webgunean. Argazkia: © Getxoko Udala.
“Bi ilustratu akusatuen aulkian. Beaumarchais eta Peñafloridako Kondearen egun zoroa” da Simulacro Teatro konpainiak aukeratu duen ikuskizuna. Getxoko Andra Mari elizan eta Aingeru Zaintzailearen baselizan egingo dituzte saioak, urriaren 22, 23, 25 (sarrerak agortuak daude egun hauetarako), 29 eta 30ean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun