Bi pertsona zauritu ziren atzo goizean, horietako bat larri, AP-68 autobidean gertatutako auto istripuan, Ugao parean, Gasteizko noranzkoan. Ezbeharraren ondorioz, 77 urteko Leioako emakume bat larri eta 83 urteko gizon bat, aurrekoaren senarra, arin zauritu ziren, Eusko Jaurlaritzaren Herrizaingo Sailak zehaztu zuenez. Bi leioaztarrak Galdakaoko ospitalera eraman zituzten. Istripua 10:00ak aldera jazo zen. Opel Astra auto bat errepidetik atera zen eta erdibitzailearen aurka talka egin du. Bestalde, Guztira bost ezbehar gertatu ziren atzo Araba, Bizkaia eta Gipuzkoako errepideetan, baina Ugaon jazotakoa larriena izan da. Tartean, Erandion, VW Passat eta Ford Focus bi autok elkarren kontra jo zuten 14:15ak aldera, Rontegira bidean. Horren ondorioz, bi kotxeak N-637 errepideko ezkerreko bidean trabatuta geratu ziren, 6 kilometrotara ere heldu ziren auto ilarak sortuz. Argazkian, auto istripua artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun