Imanol Landak gaineratu zuen Euskal Fondoa ez dela gobernuz kanpoko erakunde bat, “baizik eta lankidetzan diharduten euskal erakundeen elkartea, batez ere tokiko garapenean eta kontrako alderdiak proiektuak aurrera eramaten diren herrialdeetako tokiko erakundeak izaten direla”. Euskal Fondoa Hego Euskal Herriko 97 toki erakundek -Basaburuako Udala da Nafarroako ordezkari bakarra- osatzen dute, tartean udalek, administrazio juntek, EAEko hiru hiriburuek eta Arabako Foru Aldundiak. 2007tik 2010era, guztira, 7.663.631 euroko balioa izan zuten proiektuak eraman zituen aurrera, El Salvadorren, Nikaraguan, Guatemalan, Kuban eta Saharan. Horiekin batera, beste alor batzuetan ere lan egin zuen, besteak beste, Euskal Herrian bertan, heziketan eta sentsibilizazioan.
Konpromiso solidarioa
Azkenik, Euskal Fondoaren presidente berriak euskal gizartearen konpromiso solidarioa eskatu zuen, “krisi une hauetan nazioarteko lankidetzak dituen zailtasunez jabetzen garelako, baita herri administrazioek egin beharreko baliabideen murrizketaz ere”. Era berean, Imanol Landak dei egin zien oraindik Euskal Fondoko kideak ez diren udalei eta erakundeei, batzeko, “orain inoiz baino gehiago esfortzuak batu eta baliabideak koordinatu behar ditugulako, bultzatzen gaituen helburu solidarioan eraginkorragoak izateko, gutxi ugarik asko egiten baitute.”
"Lurraldeko aniztasun instituzionala eta politikoa ezaugarri" duen Euskal Fondoak Imanol Landa, Getxoko alkatea izango du presidente datozen lau urteotan, atzo goizean Algortako Fadura kiroldegian ospatutako batzarrean adostasunez aukeratu ondoren. Areetakoak asanbladan ordezkaritza politikoa duten alderdietako ordezkarik osatutako Zuzendaritza Batzordeko buru izango da. “Harro sentitzen gara aniztasunetik Euskadiko sentsibilitate nagusiek, hau da, EAJk, Bilduk, PSE-EEk eta PPk adostasunarekin egoera okerrean dauden herrialdeetako pertsonekiko elkartasunaren alde lan egiten dugulako; beti garapen bidean diren herriekin lankidetza lantzeko helburuarekin, garapen ekonomiko edo sozialerako edota sentsibilizaziorako egitasmo eta programak sustatuz, finantzatuz edo kudeatuz”, nabarmendu zuen Landak. Argazkian, ezkerretik eskuinera, Alberto Ruiz de Azua aurreko presidentea, Yagoba Gomez (Arabako Foru Aldundia), Imanol Landa, Maite Cruzado (Irungo Udala) eta Mikel Arrastoa (Zizurkilgo Udala) / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun