Bihar, urriak 25, euskaldunok ez dugu zer ospatu. Duela urtebete Araba, Bizkaia eta Gipuzkoako lehendakariak jai eguna izango zela erabaki zuen. Gernikako Estatutua goraipatzea helburu, PSEk eta PPk Euskal Herria zatitzen eta ukatzen duen marko juridiko politikoa ospatzea nahi dute. Gureak ez diren jai arrotzak salatuko ditugu eta ez ditugu ospatuko. Gure historia, nortasuna, borondatea, eta beharren araberako egutegi propioa erabaki eta gauzatzera joan behar dugu gaurdanik. Nazio gisa batzen gaituzten jai egunak aldarrikatu eta egutegi bakarraren aldeko apustua eginez. Horretarako, bihar Itzubaltzeta / Romon goizeko 10:00etan geratuko gara eta 13:00etan Gernikan antolatutako ekitaldi politikoan esku hartzera animatzen zaituztegu. Argazkian, urriaren 12ko Hispanitate Egunean Itzubaltzeta / Romon egindako pintaketa bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun