Erandioko Gaztetxearen utzarazte "ilegala" Udalbatzara eramango dute
2011ko urr. 25a, 00:16
Erandioko gaztetxea "ilegalki" utzaraztea leporatu diote Udaltzaingoari 100 bat auzokidek, gaur iluntzean herrian egindako bi manifestazioetan. Erandioko Gazte Asanbladak nabarmendu duenez, Jose Luis Goioaga etorbideko zentro sozialean, Joseba Goikouria alkate jeltzalearen menpe dauden tokiko poliziek "ez dute haien legeak ere bete, nahiz eta behin eta berriro epai-agindurik gabe desalojoa ezin zutela aurrera eraman esan zaienik". Hori dela eta, Udal Gobernua egin dute erantzule. Etzidamu, ostegunean, "Udalbatzara etorriko gara, zer egitera goazen erakustera eta zeren beldur diren galdetuko diegu zuzenean laranjaz jantzita, grisak diren horiei", iragarri dutenez. Egun horretan, goizeko 8:30ean biltzekoa da Udalbatza. Horretaz gain, datozen egunotan hainbat ekimen eta mobilizazio egingo dituztela jakinarazi dute Erandioko gazteek.Izan ere, helburua gaztetxea izaten jarraitzen duela nabarmendu dute EGAko kideek: "proiektu handia dugu eta aurrera eramango dugu". Gaur, batez ere, udaltzainen aurkakoa izan dira mobilizazioak, "zuen bortxakeriaren aurka gure koloreak", "desalojo ilegalik ez" edo "polizia gutxiago eta kultura gehiago" bezalako leloak erabili dituztela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun