Beren beregi horretarako prestatutako materiala lagun, euskara, kultura, musika zein gizarte trebetasunak (jendeaurrekotasuna, elkarkidetza...) landuko dituzte bertso irakaslearekin, beti ere hitzekin eta hizkuntzarekin jolastuz. "Azken batean, bertsolaritza eskola eremura zabalduta, euskararen erabilera bera ere bultzatzen da, gazteak euskarari lotuz", Bertsozale Elkarteak azaldu duenez. Proiektua dagoeneko Bizkaiko herririk gehienetara zabaldu da eta bertan 55 udalek, Enkarterriko zein Txorierriko mankomunitateek eta 153 ikastetxeek parte hartzen dute.
Klaseko lana zabalduz
Klaseko eguneroko lanaz gain, hainbat jarduera osagarri ere izaten dira ikasturtean zehar. Besteak beste, bertso saioak, irratsaioak, bertso kantaldiak zein bilbertsoak. Bertso saioen helburua bertsolaritza gune naturalean ikusita ikasleen bertsotarako motibazioa areagotzea da. Irratsaioak Bizkaia Irratiarekin lankidetzan egiten dira eta azaroan hasi eta maiatzera bitartean astero astero izaten da "Zortziko txikia" izeneko saioa. Astean ikastetxe batek prestatzen du saioa, gelan egindako lana uhinen bidez zabalduz. Bertso Kantaldiak, gitarra-jolearen laguntzaz, kurtso hasieratik ikasitako bertso eta kantak abesteko izaten dira. Eta, azkenik, Bilbertsoak izeneko bilduman batzen dira gelaz gela ikasturtean zehar batutako bertsoak.
"Bertsogintza ikastetxeetan" proiektua lantzen ari dira Ander Deuna eta Betiko ikastoletan
Urtero legez, ikasturte berriarekin batera "Bertsogintza ikastetxeetan" proiektua landuko du Bertsozale Elkarteak Bizkaiko hezkuntza arautuko hainbat ikastetxetan: "Urteetako esperientzia lagun, sendotzen eta zabaltzen doan proiektua dugu berau eta aurton inoiz baino ikastetxe gehiagotara iritsiko da, gainera", aipatu dutenez. Izan ere, Bizkaiko Ikastolen Elkartearekin egindako hitzarmenaren ondorioz, aurreko urteetan baino ikastola gehiagotan landuko da, tartean Leioako Betiko eta Sopelako Ander Deunan. Urriaren 3an hasi zen ikasturtea Bertsozale Elkarteak antolatutako eskoletan eta, maiatzera bitartean, 10 urtetik 16 urtera bitarteko ikasleak (6.000 ikasletik gora) bertsolaritzara eta euskarara hurbiltzea da asmoa. Argazkia: © Bertsozale Elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun