Errektoreordeak aparkalekuko plazen %30 esklusiboki EHUko langileentzat gordetzea salatu du Ikasleen Kontseiluak. "Kontseilutik jakinarazi diogu gure ustez neurri horrek Leioako eremuko ikasleak argi eta garbi diskriminatzen dituela; horrez gain, ez dio erantzuten UPV/EHUk egin behar duenari: unibertsitateko kideen artean garraio publikoa sustatzea" azaldu du Aratz Castro Bizkaiko Ikasleen Kontseiluko buruak. Halaber, Ikasleen Kontseiluak harrigarritzat jo du Errektoreordetzak langileentzat aparkatzeko "plaza onenak" gordetzea; ikasleek, ordea, "behin-behineko aparkalekuak baino ezin dituzte erabili, eta agerikoa da oso kaltetuta daudela".
"Ez da koherentea errektoreak autobusa erabiltzeko eskatzea guri, ikasleoi, eta beste alde batetik langileen artean garraio pribatua sustatze"” salatu du Castrok. "Ikasleen % 80k erabiltzen badu garraio publikoa, eta langileen kasuan, aldiz, %50ek baino gutxiagok, zergatik zigortzen gaitu ikasleok guk erabiltzen badugu garraio publikoa gehien?", gaineratu du. Bizkaiko Ikasleen Kontseiluak ez du ulertzen "lanera auto pribatuz doazen langileek nola eska diezaieketen ikasleei unibertsitatera autobusez joateko".
EHUko Ikasleen Kontseiluak bezala, Bizkaiko Ikasleen Kontseiluak ere uste du aparkalekuen politikak bat egin behar duela garraio publikoa bultzatzearekin, eta erakunde eskudunekin koordinatu behar dela. Ikasleen Kontseilu horrek campuseko garraio publikoa hobetzeko lan egingo duela azpimarratu du, baina funtsezkotzat jo du Errektoreordetzak aparkalekuen politika erabat aldatzea, eta neurriak unibertsitateko kideen arteko garraio partekatua sustatzera bideratzea. "Guk ez dugu eskatzen esklusiboki ikasleentzako aparkaleku bat, baizik eta aparkaleku horietan lehentasuna ematea autoa partekatzen dutenei. Errektoretza Taldea bera barne". Hala azaldu du Aratz Castro Bizkaiko Ikasleen Kontseiluko buruak.
Campuseko aparkalekuak erabiltzeko ikasleak "diskriminatuta" daudela salatu dute
Bizkaiko Ikasleen Kontseilua "haserre" dago, Leioa eta Erandioko campuseko "aparkalekuak erabiltzean ikasleak diskriminatuta daudelako". Horrelako jakinarazi diote gaur jakinarazi EHUko Bizkaiko errektoreordetzari. Gainera, errektoreordeak emandako neurriak "garraio publikoa erabiltzearen erabat aurkakoak dira", ikasleen erakundearen arabera. Campusak bizi duen arazo kronikoa larriagotu da aurten, Irakasle Unibertsitate Eskola Leioa eta Erandioko eremuan zabaltzearekin batera, bat-batean egunero 2.000 bat ikasle gehiago haraino bidaiatzen baitute. Hori dela eta, orain bi aste EHUko Ikasleen Kontseiluak garraio publikoari buruzko txostena egitea eta garraio partekatua bultzatzeko neurriak eskatuko zizkion unibertsitateari. Argazkian, ekainaren 2an eratutako Euskal Herriko Unibertsitateko Ikasleen Kontseilua / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun