Arazoa ez da berria. Lyon-Corbaseko eusko preso politikoek salatu dutenez, "hona ekarri gintuztenetik, orain sei hilabete luze, etengabeko probokazio eta barrabaskeriak kudeatu behar izan baditugu ere, larriena ikustaldi-eremua kudeatzen duen kartzelarien taldearen aldetik jasan behar izan duguna izan da". Azken bi hilabeteetan egoerak ez du hobera egin. Bitartean, gatibuen "izaera politikoa ukatzeaz gain, oinarrizko eskaerei entzungor egiten jarraitu nahiago izan du" espetxeko Zuzendaritzak. Tartean, gose greban izan ziren bi aste luzez, irailean, Marixol Iparragirreri ezarri nahi dioten euroaginduaren aurka egiteko. Giro horretan kokatu dituzte bertoko presoek urriaren 15eko gertaerak.
Elkartasuna espetxe barruan
Horren aurrean kolektiboak erakutsitako "jarrera irmoa" goraipatu ere egin dute; baita emakumeen ataleko gainontzeko presoen aldetik jaso duten "elkartasun eta babes beroa" ere: "kolektiboaren jarrera irmoak eta sendoak lortu du beren gezurrak agerian uztea, egindako gehiegikeriaz jabetzea eta Marixol eta Jone zigor-ziegetatik atera zitzaten behartzea, jarri nahi zieten zigorra bertan behera utziz", azaldu dutenez. Gainontzeko presoei dagokienez, Lozano eta Iparragirre "zigorra erabaki behar zen tribunaletik igarotzear zeudela, emakume guztiek bazka errefusatu zuten eta ordu laurdeneko burrunbada egin zuten bien askatasuna eskatuz". "Ondoko egunetan kartzelako agintariak arazoaren tamainaz jabetu dela dirudi eta aurrerantzean Lyon-Corbaseko euskal presoon eta gure senide eta lagunen arteko ikustaldiak modu eta egoera lasai eta egokian gertatuko direla hitz eman du", amaitu dutenez.
Kartzelariek Jone Lozano eraso egin dutela salatu dute Lyon-Corbaseko presoek
Urriaren 15ean kartzelariek Algortako bizilagun izandako Jone Lozano gatibu leitzarra, bultzatu egin zutela salatu du ohar baten bidez Lyon-Corbas espetxeko euskal preso politikoen kolektiboak. Marixol Iparragirre eta Mikel Albisu beraien seme Peru elkarrekin ikusteko debekuak eragin zuen zalaparta. "Alferrikakoa izan ziren guztion ahalegin eta protestak, beraiek erabakitakoa inposatzea lortu zuten. Ondorioak larriak izan ziren, Marisol Iparragirre bultza eta lurrera bota zuten, Jone Lozano ere bultzatu zuten, eta biei eskuburdinak atzean estu lotuta ikustaldien eremutik emakumeen ataleko zigor ziegetaraino 'manu militari' eraman zituzten: airean, burua aurretik, ahozpez, eskaileretan gora eta behera, ibilbide luzean. Biek dituzte zauri eta ubeldurak, kolpeak eta gorputz osoa minbera", azaldu dute espetxe frantziarreko presoek. Argazkian, Aletxu Zobaran preso gorliztarra ere badago Lyon-Corbasen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun