Erandioko Legazpi kaleko Sentinel aretoak musika egitarau zabala prestatu du Domu Santuen egunaren harira sortutako zubi edo asteburu luze honetarako. Gaur eta astelehena bitartean egunero kontzertu bana izango da ostatuan. Guztiak arratsaldeko 8etan hasiko dira, astelehenekoa kenduta, 21:30ean abiatuko dena. Gaur, ostiralarekin, metal talde euskaldunak izango dira oholtzaren gainean. Leioa eta Berangoko Basaki banda ezagunarekin batera, Kalte talde bizkaitarrak izen bereko bigarren diskoa aurkeztuko du. Bihar, ordea, txosna punka eta trash metalaren eguna izango da, Rockalkohol eta Well of Anger-ren eskutik, hurrenez hurren. Igandean, Represion talde bilbotarra eta Kamorrah arituko dira eta zubiari amaiera emateko, astelehenean Vanishine talde gotiko urtuellarrak joko du. Argazkian, laukote leioaztarra / © Basaki.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun