Ertzaintzak 46 urteko gizonezko bat atxilotu zuen atzo, asteartea, Areetako Kale Nagusian, genero indarkeria delitua egotzita. Erasotutako emakumea gizonezkoaren bikotekidea zen. Eusko Jaurlaritzaren Herrizaingo Sailak zabaldu duenez, goizaldeko 00:15ean, Areetan emakume batek eraso bat pairatu eta lurrean botata zegoeneko abisua jaso zuen Ertzaintzaren patruila auto batek. Bertaratzean, pertsona talde bat, tartean mediku bat, emakumea artatzen zebilen lurrean. Emakumeak bi kolpe aztarnak zituen masailalboetan. Medikuaren arabera, emakumezkoak hirugarren kolpe bat zeukan buruaren atzeko aldean, erortzean egindakoa. Ustezko erasotzailea, biktimaren bikotekidea, handik gertu zegoen, aparteko toki batean. Lekukoei deklarazioa hartu eta gizonezkoarekin hitz egin ondoren, atxilotu zuten. Argazkian, Algortako Bilgune Feministaren protesta bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun