Berbalagunen kurtso hasierako aurkezpen-merienda egingo dute gaur zortzi Algortan
Aurten ere berbalagunen kurtso hasierako aurkezpen-merienda egingo du Egizu! Getxo Euskaldun elkarteak. "Elkartzeko, elkar ezagutzeko, informazioa jasotzeko eta tarte atsegina pasatzeko" baliatu nahi dute hitzordua. Horrenbestez, azaroaren 10ean, osteguna, elkartuko dira 20:00etan, Algortako Torrene kaleko 3. zenbakian dagoen udal aretoan. Jana, edana, musika, aurkezpena, konpainia ezin hobea... eta sorpresak izango dira bertan. Hala ere, hainbat jarduera abian dituzte jada. Tartean, azaroaren 7tik maiatzaren 28ra egur-taila ikastaroa egingo dute, Luis Artola irakaslearen laguntzaz. Izena emateko epea zabalik dago oraindik: urteko matrikula 90 eurokoa izango da berbalagun eta Bizarra Lepoan euskara elkarteko kideentzat; eta 120 eurokoa gainontzekoentzat. Argazkian, hainbat berbalagun Errekatxora (Barakaldo) egindako txangoan / cc-by Egizu.
Egur-taila eskolak Algortako Aldai patronatuan (Karitate kalea 1, behea) izango dira astelehenero, 18:00etatik 20:00etara. Izena emateko eta informaziorako: 619 935 541 / egizugetxo[abildua]gmail.com.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun