Karlistadak irudiz, hitzez eta musika doinuz gogoratuko dituzte Erandion
2011ko aza. 3a, 13:44
"Historiatik ikasten. Lutxanako bataila 1836" lelopean, hainbat jarduera antolatu ditu egun hauetarako Berbots Erandion Euskaraz! elkarteak. Gauzak horrela, ostiralera arte, hilak 4, "Karlistadak Lutxanan" izenburuko erakusketa ikusgai egongo da Erandioko udaletxeko behealdean, Irailaren 23a plazan. Ordutegia 18:00etatik 20:00etara izango da. Bihar, ostirala, berriz, “Karlistak eta independentistak Lutxanako gudan” lelopeko hitzaldia eskainiko du Aitzol Altuna historialariak. Hitzordua 19:30ean jarri dute erakusketa aretoan bertan. Hori bukatuta, 22:30etik aurrera, azken gerrate karlistaren soinuak gogora ekarriko dituen “Eta tira eta tunba” diskoa aurkeztuko du Joseba Tapiak, Erandioko azoka zaharrean, San Jeronimon. Argazkian, hainbat neska-mutil Ormaiztegiko Zumalakarregi Museoan / cc-by-nc-sa Jakintza Ikastola.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun