![](http://farm7.static.flickr.com/6179/6189207447_8eed2a8309_m.jpg)
Gero eta jende gehiago dago
Ukanauto probatu eta zelan erabili behar den jakin guran,
Uribe Kostako Mankomunitateko arduradunek adierazi dutenez. Kotxeak partekatzeko zerbitzu publiko berria da hori. Egon daitezkeen zalantzak eta galderak guztiei erantzuteko, eta zerbitzuak zelan funtzionatzen duen azaltzeko, erakustaldi praktikoak egingo dituzte ondorengo datetan: ostiral honetan, azaroak 4, 13:30ean jarri dute hitzordua; hilaren 12an, berriz, goizeko 11etan. Bi erakustaldi praktikoak toki berean egingo dituzte: Mankomunitateko bulego aurrean, Larrabasterrako Gatzarriñe kaleko 4 zenbakian. Joateko interesa dutenek 946 579 280 telefono zenbakira deitu edo
ekogune[abildua]uribekosta.org helbidera idatzi beharko dute. Argazkian, erabiltzaileetako bat Ukanauto zerbitzuaren txartela eskuan / © Uribe Kostako Mankomunitatea.