Koadernoek magistratu eta irakaslearen memoria "bizirik mantentzea" dute helburu, Deustuko Unibertsitateko kideek gogoratu dutenez. "Ahanzturan zokoratzea bere heriotzaren injustizia jasanezina gutxiagotu dadin bermatzea eta, nolabait, horren konplize bihurtzea izango bailitzateke", unibertsitateak zabaldutakoaren arabera.
Orkatz Gallastegi
Lidonen hilketan lagundu zutelakoan, Orkatz Gallastegi berangoztarra zigortu zuten, nahiz eta Amnistiaren Aldeko Mugimenduak hainbatetan salatu frogak eta epaiketak "muntaia" zirela, Estatuak "norbait" zigortu bide zuelako: "Orkatz hasieratik zegoen kondenatuta. Horretarako atxilotu zuten. Lidon ustez hil zutenak hilak ziren, eta errudun zuzenen bat behar zuten, bide batez, Lidonen familiarrek kasu hauetan errudunei aplikatzen zaien 'erantzukizun zibila' jasotzeko. Eta Orkatz hautagai ona zen Ertzaintzarentzat, Eusko Jaurlariarentzat. Eta hor dago, espetxean, Ertzaintzak, Eusko Jaurlaritzak, Espainiako auzitegiek, Espainiako Gobernuak, dirua legezko itxurak eginez kobratu beharrak, 'El Correo'k eta bestek kondenatuta". Urtzi Murueta leioaztarra ere auziperatu zuten arren, Lidonen hilketarekin zerikusirik ez zuela izan berretsi zuen Espainiako Auzitegi Gorenak.
Hamar urte bete dira gaur, astelehena, ETAk Jose Maria Lidon Corbi Bizkaiko Auzitegiko Bigarren Aretoko magistratua Algortako bere etxeko garajean hil zuenetik. Hori dela eta, Deustuko Unibertsitateko labirintoan elkarretaratzea egin dute gaur goizean. Bakearen Aldeko Koordinakundeak (BAK) deituta, besteak beste, epailearen bi seme, Jordi eta Iñigo; Jaime Oraa Deustuko Unibertsitateko errektorea eta Idoia Mendia Eusko Jaurlaritzako Justizia sailburua izan dira bertan. Era berean, "Jose Maria Lidon" zigor-zuzenbideko koadernoen bildumako zenbaki berria, zortzigarrena, aurkeztu dute, pertsona juridikoak eta droga trafikoa gaia hartzen duena. Argazkian, iaz ETAren biktimak omendu zituen Getxoko Udalak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun