Iker Beristain preso politiko algortarra azaroaren 17 eta 18an epaituko dute Parisen, Uribe Kostako Amnistiaren Aldeko Mugimenduak jakinarazi duenez. Hori dela eta, ostiral horretan, hilak 18, mobilizazioa egingo dute Algortan. Hitzordua 20:00etan jarri dute Telletxe plazan. Frantziako Poliziak Saint Thibault-des-Vignesen (Parisetik gertu, 30 bat kilometrotara ekialderantz) atxilotu zuen 2007ko uztailaren 2an Beristain, ETAko kidea zelakoan. Maiatzaren amaieran, Meaux espetxetik Gradignan-era eraman zutenean, bere epaiketa zentzategitik bideratuta zegoela adierazi zuen AAMk. "Bide horretatik ezarri ahal dioten gehienezko espetxe zigorra 10 urtekoa da", azaldu zuen orduan errepresioaren kontrako erakundeak. Argazkian, Iker Beristainen aldeko kontzentrazioa Algortan alaba ikusten uzten ez ziotenean.
Atxilotu ondoren, Fleuroy-Merogis espetxean sartu zuten Iker Beristain, baina 2008ko irailaren 29an atera zuten bertatik Meaux-era eramateko. Gogoratu urria eta azaro artean Meaux-eko euskal preso politikoak 25 egunez egon zirela gose greban, algortarrari Jare bere alaba txikia ikusten uzten ez ziotelako. Azkenean, Le Vert epaileak bisitarako baimena eman zuen eta presoek protesta bertan behera utzi zuten. Maiatzaren amaieran, berriz, Bordeleko Gradignan espetxera eraman zuten Beristain, Getxotik 337 kilometrotara.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun