Aurkezpenaren ondoren zuhaitz bat, ereinotza, landatu dute Alangoko igogailuaren ondoko berdegunean (© Getxoko Udala)
Pedro Antonio Santamariak idatzitako “Vivir con otra mirada. Diario de un enfermo de Parkinson” izenburuko liburua aurkeztu dute gaur goizean Algortan. Argitalpena Getxoko Udala eta ASPARBI Parkinson Bizkaia elkartearen arteko elkarlanaren fruitua da, aipatu gaixotasuna ezagutzera emateko, baita gaixoak zein euren senideak elkartean eta gizartean integratzeko ere. Liburuak lehenengo pertsonan Parkinson gaixotasuna duen pertsonaren esperientzia kontatzen du, Pedro Antonio Santamariarena, udalerriarekin urtetan oso lotuta egon den pertsonarena. Besteak beste, Fadura institutuko irakaslea eta zuzendaria izan da. Aurkezpenaren ondoren zuhaitz bat, ereinotza, landatu dute Alangoko igogailuaren ondoko berdegunean, gaixotasun horrekiko sentsibilizazio ekitaldian. Iaz Bilbon martxan jarritako urteroko jarduera da eta aurten jarraipena Getxon izan du. Liburua 5 eurotan egongo da salgai ASPARBIk Bilboko Erdikoetxe kaleko 3 zenbakian daukan egoitzan. Argazkia: © Getxoko Udala.
Imanol Landa alkateak eskerrak eman dizkio ASPARBIri urtean zehar etengabe burutzen duen lanagatik; baita liburuaren egileari ere, gizarte osoari zuzendutako sentsibilizazio proiektua aurrera eramateko egindako esfortzu handiagatik. Agintari getxoztarrak nabarmendu du “enpatia eragiteko kaltetutako pertsona baino hobeagorik ez dago, bere tokian jartzera laguntzen baitigu, guztiontzako emaitza onarekin, bai gaixoentzat, bai senideentzat eta gizarte osoarentzat ere". Begoña Arrola Parkinson Bizkaia elkarteko presidenteak, berriz, gaixotasuna "oso ezezaguna" delakoan dago eta, horregatik, oso garrantzitsutzat jo du Pedro Antonio Santamariak egindako lana, "herritarrek gaixotasuna ezagutze aldera eta jarrera batzuk epai ez ditzan”. Ondoren, Santamariak berak azaldu du gaixotasuna atzemateak eragindako ustekabea. “Ez nuen espero, nire burua zaintzen nuelako. Dilema baten aurrean nengoen, edo deprimitzen nintzen edo aurrera egiten nuen. Bizitza dohaina dela onartu nuen, baina ezin dizkiogula baldintzak jarri eta filosofia horrekin aurrera egitea erabaki nuen”, azaldu du liburuaren egileak.
Aurkezpenaren ondoren zuhaitz bat, ereinotza, landatu dute Alangoko igogailuaren ondoko berdegunean (© Getxoko Udala)
Aurkezpenaren ondoren zuhaitz bat, ereinotza, landatu dute Alangoko igogailuaren ondoko berdegunean (© Getxoko Udala)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun