Hilaren 20an izango diren Espainiako Gorteetarako hauteskundeak jomugan, bihar, asteazkena, hauteskunde ekitaldia Algortan egingo du PSE-EEk. Alderdiak jakinarazi duenez, Dimas Sañudo Senaturako hautagaiak hartuko du parte Telletxe plazan burutuko duten arrosa banaketan. Aurretik senatariak adierazpenak egingo dizkie komunikabideei. Dimas Sañudo orain dela lau urte eskuratu zuen Senatuko jesarlekua Bizkaitik eta leku beretik mantentzen saiatuko da. 1952an jaio zen, Kantabriako Valle de Ruesga herrian eta lanbidez administratiboa da. Halere,1987tik aurrera kargu publikoetan aritu da. Urte horretan hasi zen zinegotzi Bilboko Udalean. Hamar urte beranduago, EAJ eta PSE-EEren arteko hitzarmenari esker, Udal Gobernuan sartu eta Hirigintza Arloko ardura bereganatu zuen, bi urtez. 2004ra arte, zinegotzi soil gisa jarraitu zuen, Feve tren enpresa publikoan presidente izendatu zutenera arte. 2008an, Madrilerako jauzia eman zuen. Argazkian, Sañudo eskuinean, Madina eta Pastorrekin Gallartan emandako mitinean / © Bizkaiko PSE-EE.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun