Ostiral honetan, azaroak 11, gaztetxeen hustuketei buruzko bideo emanaldia eta tertulia hartuko du Algortako Eztabaida gune antiautoritarioak. Algortako Gazte Asanbladak antolatuta, Iruñeko Euskal Jai eta Bilboko Errekalde auzoko Kukutza eremu autogestionatuetako kideek hitza hartuko dute. Saioa arratsaldeko 6:30ean hasiko da. 1994ko maiatzaren 7a, mila pertsona inguru bildu zituen manifestazio baten ondoren, abandonaturik zegoen Euskal Jai pilotalekua okupatu zuen Iruñeko Gazte Asanbladak. Hainbat saiakeren ostean, 2004ko abuztuaren 16an hustu zuten. Kukutza III gaztetxearen eraisketa, ordea, gertuago daukagu. Irailaren 21ean ez ezik, hurrengo egunetan ere, gogor oldartu zitzaien manifestariei Ertzaintzak, dozenaka atxilotu eta zauritu eraginez. Atzo bertan epaitu zituzten Kukutza gaztetxearen eraisketa salatzeko irailaren 24ko elkarretaratzearen ostean Ertzaintzak identifikatutako neska-mutil algortarrak. Argazkian, ertzainak Kukutza aurrean, 7.000 lagunen manifestazioaren aurka gogor oldartu baino lehen / © Bilboko Branka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun