Azaroaren 20ko Espainiar Estatuko hauteskundeak hurbiltzen diren heinean, Amaiurren ekitaldiak Euskal Herriko txoko guztietara hedatzen ari dira. Uribe Kostari dagokionez, gaur, ostirala, eskualde mailako ekitaldia izango da Sopelan; eta herri mailakoa Areetan. Horrenbestez, 18:00etan, Algortako Fadura kiroldegitik abiatuko da auto karabana, ezker abertzaleak, Eusko Alkartasunak, Alternatibak eta Aralarrek osatutako koaliziorako botoa eskatzeko. 19:30ean, berriz, Sopelako Udaletxeko plazan batuko dira independentista eta soberanistak. Eguraldi txarra izatekotan, udal pilotalekura aldatuko dute. Ordu erdi beranduago, berriz, Areetako Kale Nagusian egingo du ekitaldia Amaiurrek; Gomis erloju-dendaren ondoko plazan, zehazki. Bestalde, bihar 17:00etan koalizioak Anoetako belodromoan egingo duen ekitaldi nazionalera autobusez joateko ohiko lekuetan izena eman daiteke. Argazkian, Amaiur koalizioaren aldeko panela Algortan / © Getxosarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun