Bihar, astelehena, Espainiako Auzitegi Nazionalean epaituko dute Ion Etxegarai Begoña, Efe albiste agentzia aipatuta ABC egunkariaren edizio digitalak zabaldu duenez. Sopeloztarrarentzat bi urte eta erdiko espetxe zigorra eskatzen dute, 2002ko martxoaren 15ean Algortako kutxazain batean lehergailu bat jartzea leporatuta. Aipatu iturrien arabera, fiskalak adierazi du dagoeneko gertakari horregatik kondenatutako Orkatz Gallastegi Sodupe berangoztarrarekin batera, egun horretan Iturgitxi kalean kokatutako La Caixaren kutxazainaren ondoan lehergailu bat jarri zuela. Hain zuzen ere, bere kabuz epailearengana aurkeztera zihoanean atxilotu zuten Etxegarai iazko azaroaren 24an. Handik lau hilabetera, martxoaren 30ean, askatu zuten, 20.000 euroko fidantza ordaindu ondoren. Mutilari zein Gabi Basañezi apirilaren 4an Sopelan egindako harrera kolpeka desegin zuen Ertzaintzak. Argazkian, egun horretako zaurituetako bat / © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun