Gainontzeko gidariei ustez udalerriko hainbat lekutan gidatzerakoan debekatutako maniobrak egiteagatik egin diete alkohol-proba. Gertaera nabarmenena 33 urteko gidari batena izan ei da. Getxoko auzoko horrek boskoiztu egin du baimendutako alkohol-maila, udaltzainen arabera. Halaber, beste bi gidari identifikatu egin zituzten gidatzerakoan zirkulazio arauak urratzea eta Bide Segurtasunaren Aurkako delitua egitea egotzita, gidabaimen-txartel barik gidatzen ari zirelakoan.
Getxoko Udaltzaingoak bi gidarien kontrako salaketa aurkeztu du arau-hauste administratiboak leporatuta eta beste hiru atxilotu egin ditu bide-segurtasunaren aurkako delitua egotzita, asteburu honetan egindako alkohol-kontroletan positibo eman eta gero. Gidari horietako bati alkohol-proba egin diote trafiko istripu batekin zerikusia izan omen duelako. Ezbeharrean ez da zauriturik izan, baina kalteak eragin ditu Algortako Etorbideko udal ondasunetan, tokiko iturriek adierazi dutenez. "Udaltzainek ikusi dute 19 urteko gazte getxoztarra zela, gidari berria, eta baimendutako alkohol-maila hirukoiztu egin duena", aipatu dute udal arduradunek. Argazkian, Getxoko Udaltzaingoaren komisariako koordinazio zentroa / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun