Fiskaltzaren arabera, Iturgitxiko kutxazainaren inguruetan hainbat objektu batu zituzten poliziek, hala nola, latexko eskularruak, jertse bat, txano moduko zapi bat eta bi kamiseta, gorri eta zuri kolorekoak, haietako batean Etxegarai akusatuari dagozkion arrasto genetikoak identifikatu direla".
Iazko azaroaren 24an atxilotu zuten Etxegarai, bere kabuz epailearengana aurkeztera zihoanean. Handik lau hilabetera, martxoaren 30ean, askatu zuten, 20.000 euroko fidantza ordaindu ondoren. Mutilari zein Gabi Basañezi apirilaren 4an Sopelan egindako harrera kolpeka desegin zuen Ertzaintzak. Ondoren, Ertzaintzaren jokabidea salatu zuen Sopelako Udalbatzak.
Gaur, Espainiako Auzitegi Nazionalean egitekoa zen Ion Etxegarai Begoña gazte sopeloztarraren aurkako epaiketa atzeratu dute. Efe albiste agentzia aipatuta ABC egunkariaren edizio digitalak zabaldu duenez, epaiketa bihar zortzi, hilak 22, berrartuko dute. Hainbat peritu eta lekukori zitazioa eman ez izanak bultzatu du epaileen erabakia. Fiskalak bi urte eta erdiko espetxe zigorra eskatzen du Etxegarairentzat, 2002ko martxoaren 15ean Algortako Iturgitxi kaleko La Caixaren kutxazain batean lehergailu bat jartzea eta 17.000 euroko kaltea sortzea leporatuta. Aipatu ekintzagatik dagoeneko kondenatutako Orkatz Gallastegi Sodupe berangoztarrarekin batera aritu zela dio fiskalak. Argazkian, Etxegarai atxilotu zuten egunean auzokideek egindako manifestazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun