Hileko azken ostiralera helduta, ohiko lez, euskal preso eta iheslari politikoen aldeko elkarretaratzea egingo dute 20:00etan Xake plazan. Hori bukatuta, bertso poteoan abiatuko dira, 21:30ean talo gozoak dastatu ahal izateko Brankan. Elkartasun Asteko egun handia, baina, larunbatean, hilak 26, izango dute Itzubaltzetan.
Egitaraua:
13:00 Trikipoteoa eta muralaren aurkezpena Brankatik abiatuta.
15:00 Bazkaria eta kantukantari gaztetxean.
17:00 Poteo musikatua gaztetxetik herrira.
19:00 Presoentzako argazkia Brankan.
21:00 Ekitaldia eta kontzertuak gaztetxean: Bilbomatiks, Itziarren Semeak eta Kurloi Ezkertiarren Esnea DJ.
Itzubaltzetako Elkartasun Asteak ekitaldi anitz hartuko du hilaren 21etik 27ra
Azaroaren 21etik 27ra bitartean, ekitaldi anitz hartuko du Itzubaltzeta / Romon antolatutako Elkartasun Asteak, Uribe Kostako Amnistiaren Aldeko Mugimenduak zabaldu duenez. Besteak beste, hilaren 22an, asteartea, presoen sakabanaketa izango dute hizpide. 19:30ean "Km.0" bideoaren emanaldia egingo dute Branka kultur elkartean, horren egile Fernando Etxegarai "Pinki" preso ohi plentziarrak eta Iñako Goyoaga abokatuak aurkeztuta. Hilaren 24an, berriz, Jose Sarrionandiaren "Kartzelako poemak" liburuaren errezitaldia eskainiko dute Laura Mintegi idazle algortar eta Euskal Pen klubeko zuzendariak eta Mitxel Sarasketa idazle epa preso ohiak. Hitzordua 20:00etan jarri dute Brankan. Argazkian, urriaren 14an auzokideen elkartasuna jaso zuen Iñaki Gonzalo Casal "Kitxu" Itzubaltzeta / Romoko preso politikoak, ama gaixoa ikustera eraman zutenean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun