Ikasleen Nazioarteko Egunaren egitaraua Leioa eta Erandioko campusean
Magisteritza:
• 10:30ean, kontrol sozialaren inguruko bideo forum-a. Sare sozialen, kamaren eta abarren bidez, nola kontrolatzen gaituzten jorratzen duten dokumentaltxoen bitartez fakultate mailako eztabaida bideratuko da. Pelikulak “Operacion pandemia”, “La cara oculta de facebook” eta “Kamarak apurtu” izanen dira. Horrez gain, egun osoan zehar ikasle mugimenduaren inguruko erakusketa egongo da.
Gizarte eta Komunikazio Zientziak:
• 10:30ean, kontrol sozialaren kontrako burrunbada, sarreratik hasita.
• 11:00etan, fakultatearen egituraketaren inguruko hausnarketa. Soziologo ezberdinen aipu, fakultateko argazki eta bideoen bidez dinamizatua. Horrez gain, fakultatearen inguruko argazki erakusketa kritikoa fakultateko eskaileretan. Erakusketa hori aste oso batez egongo da ikusgai.
Medikuntza:
• 10:30ean, tortura kasuetan medikuak hartu beharreko paperaren inguruko hitzaldia.
Mikel Laboa plazan:
• 14:00etan, campuseko bazkaria: paella gozoa eta El Salvadorreko eta Euskal Herriko kantautoreen saioa.
• 17:00etan, Kolonbiako ikasle mugimenduarekin elkartasuna adierazteko kontzentrazio eta argazkia, “Kolonbiako ikasleekin bat. Pribatizaziorik ez!” lelopean.
Bilboko Zazpi Kaleetan:
• 19:00etan, Errondabide herriko tabernatik 7katu gaztetxera, trikipoteoa.
• 20:00etan, 7katu gaztetxean lunch-a, trikitilariak eta karaokea.
Gaurko Ikasleen Nazioarteko Egunarekin bat, Leioa eta Erandioko campuseko ikasleek egitarau zabala antolatu dute. Ikasle Abertzaleek jakinarazi dutenez, goizean, hainbat ekimen eta protesta prestatu dute fakultateka. Besteak beste, kontrol sozialari buruzko bideo-foruma eta burrunbada, fakultateen gaineko argazki-erakusketa eta tortura kasuak medikuaren ikuspegitik landuko duen hitzaldia izango dira. Arratsaldean, ordea, campus mailako herri bazkaria eta Kolonbiako ikasleekiko elkartasun elkarretaratzea burutuko dute. Iluntzean, berriz, Bilboko Zazpi Kaleetara jaitsiko dira, laneguna amaitu, musikaz gozatu eta giro alaian ikaskideak ezagutzeko. Argazkian, ikasleek salatzen duten kontrol sozialaren zati bat da Ertzaintzaren presentzia campusean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun