Jose Antonio Ardanza EAEko lehendakaria izandakoak Euskalteleko presidente exekutiboa izateari utziko dio datorren abenduaren 14an, telekomunikazio enpresak burutuko duen Akziodunen Batzarrean. Euskalteleko iturriak aipatuta Europa Press-ek zabaldu duenez, Ardanzaren lekukoa Alberto Garcia Erauzkin 51 urteko erandioztarrak hartuko du. Egun, Garcia zuzendari nagusia da Euskaltelen, hamahiru urtez lan egin duen enpresan. Aurretik, Arthur Andersen eta Audihispanan ikuskaritza enpresetan, Heraclio Fournier karta lantegian eta Patricio Echeverria korporazioan aritu zen. Lanez gain, hainbat elkarte profesionalean aritzen da, hala nola, Zuzendaritzaren Garapenerako Elkartean (APD), Lehiakortasunerako Euskal Institutuan eta Innobasque Berrikuntzaren Euskal Agentzian. Argazkian, Garcia Erauzkin, eskuman, Metaposta zerbitzuaren aurkezpenean pasa den martxoaren 23an, Idoia Mendia EAEko sailburuarekin / © Metaposta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun