Baina, hori gertatu baino arinago "beste hainbat pausu" eman behar direla adierazi dute: horien artean, nahitaezko desjabetzea, jada martxan dagoena. Horren ondorioz, kaltetuak izango direnen ondasunen zerrenda eta eskubideen zerrenda publiko egin da.
Leioandi
"Bestalde, Udala eta Jaurlaritzaren arteko beste proiektu bat aipatu behar dugu; Leioandiko zonaldean martxan diren obrak erritmo ona daramate", aipatu du Arruebarrenak. Ziurtatu duenez, udaletxetik Sarrienako biribilgunera arte doan errepidearen obren lehen fasea amaitzear dago. Bestalde, Leioandiko urbanizazioaren bigarren fasea zonaldeko etxebizitzak egitearekin batera izatea espero du, hau da, 2012ko uda aldean. Eremu horretan babes ofizialeko 405 etxebizitza altxatuko dira, horietatik 100 errenta sozialekoak. Etxebizitzen zozketa oraindik egiteke dago.
Lamiako eta Txorierri arteko igogailua 2012ko bukaeran hasiko omen dira egiten
Leioako Udala eta Eusko Jaurlaritzaren Etxebizitza Saila "beharrezkoak diren azken pausuak" ematen ari dira Lamiako eta Txorierri arteko igogailua zein zonaldeko egokitzapena laster errealitate bihurtzeko, gaurko prentsaurrekoan Eneko Arruebarrena alkateak adierazi duenez. Aurreikuspenen arabera, datorren urtearen amaieran hasiko dira obrak. Bere sasoian, 2009an, Udalak eta Jaurlaritzak akordioa sinatu zuten Txorierriko zonalde hori egokitzeko eta Lamiako auzoarekin duen lotura hobetzeko. "Orduz geroztik, erakunde biak elkarlanean izan dira hirigintza zein administrazio txostenak garatzeko, eta joan den uda pasa ostean prozesu honek bere fruituak eman ditu", zehaztu du tokiko agintariak. Udal erakundeak igogailuaren proiektua egin beharko du eta Lakuako Gobernuak, berriz, obra egiteko beharrezkoak diren lurzoruak bereganatu beharko ditu eta mendia behar bezala prestatu. Hori horrela, eta proiektu osoaren onerako, ekintza desberdin bien hirigintza proiektuak koordinatu izan dira eta datorren urtearen amaieran obrak hastea espero da. Argazkian, Txorierri (goian) eta Lamiako (behean) lotzen dituzten eskailerak / © Leioa.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun