ETBk Sirokari ezarritako betoa eztabaidatzeari muzin egin diote Leioako Bilduk ez beste alderdi guztiek
"Arratsaldero" saioan ETBk Uribe eta Enkarterrietako Siroka taldeari ezarritako zentsura uko egin diote Leioako EAJ, Ezker Batua, PSE-EE eta PP alderdiek, Bilduk salatu duenez. Ezker abertzaleak, EAk eta Alternatibak osatutako koalizioak azaldutakoaren arabera, Barne Erregimeneko batzordean aurkeztu zuten mozioa, Udalbatzan eztabaidatua izan dadin; baina aipatu taldeek ez zuten aintzat hartu. Hori dela eta, gertakaria salatu eta urgentziazko mozio moduan aurkeztuko dutela iragarri du Leioako Bilduk. Ekainaren 21ean, Maria Ribero abeslariak euskal presoak Euskal Herriratzearen aldeko txapa eraman eta kentzeko aginduari uko egiteagatik, bertan behera utzi zuten Sirokaren elkarrizketa ETB1eko "Arratsaldero" programatik. Hain zuzen ere, Ekaitz Agirregoitia taldeko gitarrista Leioako bizilaguna da. Besteak beste, LABek, EAk eta Etxeratek deitoratu zuten musikarienganako betoa. Argazkian, Siroka taldea / cc-by Goio Ramos.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun