Udaletxean bertan, “Y los hombres, ¿Que hacemos ante la violencia machista?” lelopean arituko dira Cesar Charro udaltzaina eta emakumeentzako autodefentsa Ikastaroetako irakaslea; Piper Txuriak berdintasunaren aldeko gizonezkoen taldeko kideak; eta Miren Zubieta psikologoak. Bestalde, udal iturriek gogoratu dutenez, hilaren 25ean eta 26an izango da autodefentsa ikastaroa Kurtzion. Bihar arte eman ahal izango da izena kultur etxean bertan edo 944 065 505 telefono zenbakira deituta.
Hile bakoitzeko lehen astelehena
Urte osoan zehar, hilabete bakoitzeko lehenengo astelehenean indarkeria matxistaren aurkako elkarretaratzea egin ohi dute 19:30ean, Larrabasterrako Urgitxieta plazan.
Azaroren 25eko Emakumeenganako Indarkeriaren Aurkako Nazioarteko Egunaren inguruan, hainbat ekitaldi antolatu dituzte Sopelako Udalak eta Itzartu emakumeen elkarteak. Uribe Kostako Mankomunitateak egindako deialdiez gain, bihar, osteguna, Helena Tabernak zuzendutako "Nagore" dokumentala proiektatuko dute 17:30etik aurrera, Kurtzio Kultur Etxean. Nagore Laffage erizaindegi ikaslearen heriotza bortitzari buruzko ikus-entzunezko lana da hori. 2008ko Sanferminetan erail zuen Iruñeko Unibertsitate Klinikoko psikiatra batek. Sarrera doakoa da. Hala ere, Kurtzion bertan, Larrabasterrako Sopelarin bulegoan edo udaletxean hartu beharko dira gonbidapenak. Ostiralean, berriz, globoak askatu eta mahai-ingurua egingo dute, Mankomunitateak 19:00etarako deitutako hamar minutuko elkarretaratzearen ostean. Argazkian, Laffageren erailketa salatzeko Nafarroako Unibertsitate Klinikoan egindako kontzentrazioa / cc-by-nd Nafarroako Unibertsitate Klinikoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun