Emakumeenganako Indarkeriaren Aurkako Egunean elkarretaratzea eta bideo-emanaldia izango dira Urdulizen
Azaroren 25eko Emakumeenganako Indarkeriaren Aurkako Nazioarteko Egunerako hainbat ekitaldi antolatu dituzte Urdulizko Udalak eta Inola emakumeen elkarteak. 19:00ak aldera, Helena Tabernak zuzendutako "Nagore" dokumentala proiektatuko dute, tokiko kultur etxean. Nagore Laffage erizaindegi ikaslearen heriotza bortitzari buruzko ikus-entzunezko lana da hori. 2008ko Sanferminetan erail zuen Iruñeko Unibertsitate Klinikoko psikiatra batek. Sarrera doakoa da. Hala ere, aurretik, Uribe Kostako Mankomunitatea osatzen duten udalerri guztietan bezala, elkarretaratzea egingo dute 18:30ean; ordu horretan helduko baita Urdulizko kultur etxera emakumeenganako indarkeriaren kontrako ibilaldia. Hori bukatuta, Eudel Euskal Udalen Elkartearen adierazpena irakurriko dute. Argazkian, Inola Urdulizko emakumeen elkarteko kideak / © Inola.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun