Haiekin batera, Joserra Marin Bilboko Portuko gidari nagusia, Ricardo Campuzano Bizkaiko Zubiko hotelaren zuzendaria, herriko hainbat tabernari, Urrutia harategiko lagunak, Josemi Bediaga, Arane distribucion enpresakoak, herriko jai batzordea, Itzubaltzeta gaztetxeko partaideak, ohiko bezeroak eta hainbat auzokide ere izan ziren.
Krisiaren aurka, bertoko produktuak
Bertako produktuak eta kultura sustatzea zein auzokideekiko hurbiltasuna osagai nagusitzat ditu Joseba Andoni Irusta Perez-Yarzak, Gure Etxea tabernako nagusia. Izan ere, horiek lagundu diote azken boladan ostalaritzan dabilen giro hotzari aurre egiten. Atzoko ekitaldiari auzotarrek emandako onespen beroak ildo hori berresten du.
Aurkezpenaren hainbat irudi
Itzubaltzeta / Romoko Gure Etxea tabernak Eltziegoko Luberri bodegaren eta Otxandioko Kerixara gaztandegiaren urteko produktuen aurkezpena hartu zuen atzo iluntzean. Florentino Martinez Monjek Arabar Errioxako bere ardo beltzik onenak ekarri zituen, urteko, ondu eta erreserben usain eta zapore ezberdinak dastatu eta ezberdintzeko aukera emanez. Horiekin batera ederto ezkondu zuten Idiazabal izendapeneko Kerixarako artzai-gazta ketuek. Ekitaldian zehar hainbat pertsona ezagun izan ziren, hala nola, Anton Latxa Oskorriko kidea, Bosco el Tosco musikaria, Basatiak bertako taldeko kideak, Koikili eta Mikel San Jose Athleticeko jokalariak, HNTko ordezkariak, Josu Loroño (EAJ) eta Roberto Martin (Bildu) Getxoko Udaleko zinegotziak, Joseba Kanpo Doble Sentidoko presidentea, Oskar Martinez argazkilaria eta Lourdes Artetxe AEKko kidea. Argazkian, tabernako nagusiak, ekoizleak eta hainbat lagun.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun