Azokak urtero eskaintzen duen omenaldian bi protagonista egon dira aurten. Batetik, Josep Maria Berenguer komiki alternatiboaren erreferentzia den "La Cupula" argitaletxearen bultzatzailea. Bestetik, Astiberri Ediciones argitaletxe bilbotarra, hamar urteko jardueran ospe handia lortu duena arretaz hautatutako hainbat egileren kalitate handiko lanak zabaltzen eta komikia publiko berrietara gerturatzen. Erakusketak ere ez ziren falta aurtengo edizioan. Horien artean, "Jazz Bulles Blues" nabarmendu behar da. Belgikako autore ospetsuen lanean binetaren, jazzaren eta blues-aren artean dagoen harremana erakutsi da horretan. La Cupula eta Astiberri argitaletxeei eskainitako erakusketak egon dira azokan, baita Portugaleteko Komiki Lehiaketaren 25. edizioko lan onenak biltzen zituena ere.
Erakusketak eta aurkezpenak
Bestalde, karparen kanpoaldean, “El Balanzin” erakusketa kokatu zen, Euskal Irudigileen Elkarte Profesionalak argitaratutako aldizkaria. Gainera, azken urteetan ohikoa den moduan, udal erakusketa-aretoetan eta Getxo udalerriko hainbat lokaletan, komikiarekin lotutako hainbat erakusketa izan dira, Euskal Irudigileen Elkarte Profesionaleko artisten eskutik. Azkenik, Victor Santos komikigile valentziarraren "Dioses y monstruos" erakusketa izan da Bizkaiko Zubian. Argitaletxeen eta egileen nobedadeen aurkezpenak ez dira falta izan Azokan. Eta ezin ahaztu hitzaldi eta mahai-inguruez eta proiekzioez. Azkenik, manga gustuko dutenentzako tokia ere egon zen aurtengo programazioan, azokaren azken egunean genero horren zale asko lehiaketetan eta karaoke saioetan gozatzeko aukera izan zuten eta.
Atzo bertan amaitu zen Getxoko 10. Komiki eta Manga Azoka arrakasta handia lortuta. Guztira, 23.000 bat zale bildu dira bertan hiru egunetan bederatzigarren arteaz gozatzeko, Getxoko Kultur Etxeak emandako datuen arabera. Aurten Areetako Xake plazan 80 saltoki eta hainbat jarduera egon dira eta 40 egilek baino gehiagok parte hartu dute sinatze-txandetan. Artista gonbidatuen artean Santiago Valenzuela donostiarra aipatu dute, aurtengo Espainiako Komiki Sariaren irabazlea, hain zuzen ere. Areetan Max eta Paco Roca ere egon dira, sari horren aurreko urteetako irabazleak. Horrela, lehenengo aldiz Espainiako Komiki Saria eskuratutako hiru lagun bildu dituzte azokan. Horiez gain, honako komikigile hauek ere parte hartu dute: Luis Royo fantasia generoaren ilustratzaile ospetsua, David Rubin, Nancy Peña, Mireia Perez, Manuel Bartual, Manel Fontdevila, Albert Monteys, Victor Santos eta Enrique V. Vegas, besteak beste. Argazkian, Victor Santos komikigilearen "Jainkoak eta munstroak" erakusketaren aurkezpena Bizkaiko Zubian / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun