Urte hauetan zehar polemika mahai gainean egon da. Duela gutxi Euskaltzaindiak berriro argitaratu du "Euskal Herriko Udalen izendegia" eta bertan aurreko erabakia indarrean mantendu du, udalerriaren izena euskaraz "Sopela" izan beharko litzatekeela berretsiz. Euskaltzaindiak erabakitakoari jarraiki "Sopela" erabiltzen du UKBERRI.NETek.
Euskararen Astea Sopelan
Azaroak 29, asteartea
19:30 “Gure leku izenak. Sopelanatik Sopelara” hitzaldia, Mikel Gorrotxategiren Euskaltzaindiaren Onomastika Batzordearen idazkariaren eskutik, Kurtzio Kultur Etxean.
Abenduak 1, osteguna
19:00 Bertso poteo musikatua Jon Maia eta Sustrai Colina bertsolariekin, Wladi-bostok musika taldeak lagunduta, udal pilotalekutik abiatuta.
Abenduak 2, ostirala
19:30 “Baginaren bakarrizketak” (Txalo produkzioak) antzezlana, Aitziber Garmendia eta Ainhoa Garai antzezleen eskutik, Kurtzio Kultur Etxean.
Abenduak 3, larunbata
19:00 Eriz magoa, Kurtzio Kultur Etxean.
Abenduak 4, igandea
19:00 "Haragizkoa”, hitza, musika eta irudia uztartzen dituen Omar Nabarroren ''Haragizko amoreak'' (Susa) poema liburuan oinarritutako ikuskizuna, Kurtzio Kultur Etxean. Edorta Jimenez (ahotsa) Rafa Rueda eta Jaime Nieto (musika) eta Joseba Barrenetxea (argazkiak).
Abenduak 3 eta 4, larunbata eta igandea
11:00-14:00 Haurrentzako tailerrak udal pilotalekuan: talo tailerra, globoflexia, txikientzako arte tailerra, txotxongilo tailerra, euskal mitologiako kamishibaia eta txapa tailerra.
Abenduaren 3ko Euskararen Nazioarteko Eguna dela eta, ekimen ezberdinak antolatu ditu Sopelako Udalak. Horien artean, gaur, asteartea, "Gure leku izenak, Sopelanatik Sopelara" izenburuko hitzaldia eskainiko du Mikel Gorrotxategi Euskaltzaindiaren Onomastika Batzordearen idazkariak. Hitzordua 19:30ean jarri dute, Kurtzio Kultur Etxean. Aipatu udalerriaren izenaren inguruan aspaldi polemika dago. 80ko hamarkadan Udalak izen biak erabiltzen zituen, "Sopela" euskaraz eta "Sopelana" espainolez. Horren testigantzak badaude eta Udalaren paper ofizialetan agertzen zen logotipoan horrela ipintzen zuten. Inguruko trafiko seinaleetan ere Bizkaiko Foru Aldundiak, Euskaltzaindiak hartutako erabakiari kasu eginez, herrira heltzeko seinalizazioan argi eta garbi "Sopela" agertzen zen. Baina, garai hartan, EAJk Euskaltzaindiari jaramonik ez egitea erabaki zuen "Sopela" izena baztertuz. 1997an Euskaltzaindiak bere erabakia berretsi zuen. Argazkian, Gorrotxategi "Getxoko izenak: aldeetxe eta leku izenak" liburua aurkezten Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun