Loroñok nabarmendu nahi izan zuen Getxo Irratia Komunikazio Arloaren egoitza hartzen duen gunearen barruan dagoela lekututa, hau da, komunikazio sail osoa leku berean dagoela. Bestalde, programazioren txikiagotze hori "krisia kontuan hartuta" egin zela aipatu zuen, "eta irrati nolabait lehiakorrari eusteak dakarrena aintzat hartuta ere (giza eta diru baliabideen aldetik).
Izan ere, Udalak irratiko bost lanpostu kendu zituen". “Labur esanda”, azpimarratu zuen Loroñok, “manipulazio garbia gertatzen da datu ekonomiko bat eman eta egiten diren beste behar eta zeregin batzuk aipatzen ez direnean. Argi dago PPk ez duela ezagutzen Komunikazio Arloan egiten den kazetari eta komunikazio lana. Horren adibidea da azken urteotan PPk behin batean baino ez duela bisitatu aipatu Arloa, eta noiz eta hauteskunde garaian”.
Lehiaketa publikoa
Beste bi kazetari kontratatzeko lehiaketa publikoa deitu dela emandako datua ere "manipulazioa" da, Komunikazio zinegotziaren hitzetan. "PPk aipatutako bi kazetariek 20 urte baino gehiago daramatzate lanean Komunikazio Arloan eta orain nahi dena da, onetsitako langile kopuruarekin bat etorriz, behin behineko bi lanpostu horiek betiko betetzea", azaldu zuenez.
Kiroletako webgunea
“Eta PPk azkenik”, aipatu zuen Loroñok, “berriro manipulatu eta gezurra esaten du dioenean kanpoko enpresa azpikontratatu dela irratian kirol informazioko minutu apur batzuk edo 'Getxoberri'-n lerro apur batzuk betetzeko. Egia oso bestelakoa da, berriz: azpikontratazioa kiroletako webgunea gestionatzeko da. Webgune hori egunero gaurkotzen da, asteburuetan ere, eta bertan talde getxotarren partiduak on-line eskaintzen dira, lehiaketen emaitzak eta asteburuetan diren kirol ekitaldien berri ematen da, emaitza horiek sms bidez igortzen dira, eta abar. Eta horrez gainera, Getxo Irratiarekin kolaboratzen dute astelehenetik ostiralera, eta 'Getxoberri'-arekin ere hala behar denean. Azken finean, beste behin ere honako paradoxa hau ematen da: inorena ikusteko argitsu, berea ikusteko itsu”.
“Getxoko PP bezalako alderdi bat noraino irits daitekeen ikusita, nire haserrerik handiena adierazi nahi dut”, adierazi zuen joan den ostegunean Josu Loroño Komunikazio zinegotziak. Marisa Arrue buru duen alderdiak Getxo Irratia ixteko eskatu zuen, "astelehenetik ostiralera emititzen duen ordu erdiak eguneko 2.133 euroko kostua suposatzen digulako getxoztarroi". EAJko Loroñok berak aitortu zuen, popularrei erantzunda, Getxo Irratiaren programazioa 30 minutura murriztu egin dutela. Hala ere, bere hitzetan, "lantaldeak egiten dituen beste eginkizun batzuk indartzeko" izan da: "prentsa-bulegoa (oharrak zabaltzea, irrati eta telebistarako adierazpen eta irudiak eskaintzea), astekari eta hilabetekariak egitea, liburuxkak egitea, ekitaldiak prestatu eta antolatzea; baita oharrak, informazio-orriak, eta abar bezalako komunikazio jardunak argitaratzea ere", zerrendatu zuenez. Ildo berean, Komunikazio zinegotziaren arabera, besteak beste, "kazetari eta teknikarien soldata, gizarte asegurantzako gastuak, kiroletako webgunea kudeatzen duen enpresaren kontratazioa zein jarduera gastuak (egunkarien erosketa, Efe agentziari ordaintzen zaiona...)" barne hartuko lituzte PPk aipatutako 522.759 euroko urteko gastuak. Argazkian, Getxo Irratiko estudioa / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun