Bihar, azaroak 30, Ander Deuna eguna ospatuko dute Barrikako Goierri auzoan. Horrenbestez, 11:00etan meza egingo dute santu horren omenezko baselizan. Hori bukatuta, 12:00etan, emanaldia eskainiko du Barrikako Koralak. Ondoren, luncha ere izango da. Baina, Sopelako Udalak ere hainbat ekitaldi antolatu ditu, Ander Deuna eguna ospatzeko. Horrenbestez, 11:00etan abiatuko da Barinatxe txistulari taldearekin kalejira, udaletxetik baselizara bidean. Bertara helduta, 12:00etan, meza izango da bertan. Ondoren, ohorezko aurreskua dantzatu eta, hamaiketakoarekin batera, erromeria izango da. Ohiko lez, baselizara joan zein herrigunera itzultzeko autobus zerbitzua jarriko dute. Urbaso kafetegi aurreko bus-geltokitik abiatuko da hori, 11:15ean eta 11:30ean. Ekitaldiak bukatutakoan. berriz, 13:15ean eta 14:00etan egingo du buelta. Argazkian, Ander Deuna baselizan egiten dute hilaren 30eko festa sopeloztarrek / © Sopelana.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun