Joseba Asensio "Kirruli" duela 25 urte hil zen Herrera de la Manchako kartzelan preso zela, eta Ataramiñe elkarteak azken hamar urtetan argitaratzen duen euskal errepresaliatu politikoen literatura koadernoa berari eskaini nahi izan dio aurten. Garai hartan "Egin" egunkarian agertutako titularrak eta Erramun Landak, Jokin Urainek eta Jon Iturriaga Baltimorek eskainitako lanak bildu dituzte, besteak beste. Joseba Sarrionandiaren "Kartzelako poemak" liburutik hautatutako poesia batekin osatu dute kontrazala.
"Ataramiñe’11" ez ezik, Ibon Muñoaren "Ametsen txokoan bizi naiz", Mikel Antzaren "Bakarmortuko kronikak" eta Borxa Urberoagaren "Espetxetik at" lanak Euskal Liburu eta Disko Azokan izango dira eskuragarri, abenduaren 4tik 8ra. Horretaz gan, aurkezpena egingo dute Durangon, hilaren 5ean; eta, hilaren 6an, Ahotsenean, liburuaren pasarte batzuk irakurriko dituzte egileen etxekoek.
Iñaki Gonzalo, Alfontso Etxegarai eta Gotzon Alcalderen lanak plazaratu dituzte "Ataramiñe’11" lan kolektiboan
Ataramiñe elkarteak abenduaren 4tik 8ra bitarteko Durangoko Euskal Liburu eta Disko Azokarako uzta berria aurkeztu zuen joan den ostiralean Bilbon. Hamargarrenez, euskal errepresaliatu politikoen literatura koadernoa plazaratu du. 24 lagunek parte hartu dute "Ataramiñe’11" lan kolektiboan, tartean Iñaki Gonzalo "Kitxu" preso itzubaltzetarraren zein Alfontso Etxegarai iheslari plentziarraren idatziak eta Gotzon Alcalde gatibu algortarraren marrazkiak daudela. Bestalde, Ibon Muñoa eibartarraren "Ametsen txokoan bizi naiz" poema liburua ere argitaratu du Ataramiñek. Baita dagoeneko kalean den Borxa Urberoagaren "Espetxetik at" komikia ere. Mikel Antzaren "Bakarmortuko kronikak", berriz, ostiral honetan aurkeztuko dituzte 11:00etan Donostiako Udal Liburutegian. Argazkian, Jon Iturriaga Omar, Amaia Urizar, Borxa Urberuaga, Mitxel Sarasketa, Oier Gorzalez eta Zorion Zamakola preso ohi zein Ataramiñe argitaletxeko kideak ostiraleko aurkezpenean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun