Euskararen Nazioarteko Eguna aitzakiatzat hartuta, Leioako Kandelazubieta kiroldegia jolastokia bilakatuko da bihar, osteguna, beti ere gure hizkuntza ardatza izanik, udal iturriek zabaldu dutenez. 18:00etan, "Kortxea doktorearen abenturak" izenburuko haurrentzako ikuskizun dibertigarria izango da. Ostean, 19:30ak aldera, Erdizka Lauetan taldearekin euskal dantzez gozatzeko aukera egongo da. Eta, behar bezala amaitzeko, mokadua izango da 20:30ean. Bestetik, larunbatean, abenduak 3, Mendibile Jauregiak ekintza desberdin bi hartuko ditu: batetik, 17:00etan, ipuinak sortzeko tailerra. Eta bestetik, Taberna Kantariak euskal kantak eskainiko ditu. Bestalde, egun berean, Aterpe Leioa Gaztegunean bertso-hop saioa izango dute gonbidapena hartu dutenek. Horiek eskuratzeko bertara jo beharko da, 10:00etatik 14:00etara eta 16:30etik 20:30era, azken eguna ostirala dela. Argazkian, jendea dantzan Erdizka Lauetan taldearekin / cc-by-sa dantzan.
Azkenik, abenduaren 3an eta 4an umeentzako zinema egongo da Kultur Leioan, 17:30ean, "Katu bat Parisen" filmaren eskutik. Eta hilaren 3an, 4an eta 5ean, helduentzako "Arriya" pelikula ikusteko aukera egongo da 20.00etan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun