Andra Mariko Kroserako izen-ematea astelehen, asteazken eta ostegunetan egin ahal izango da, 20:00etatik 22:00etara, Algortako Kantxa Kirol Moda dendan edo, bestela, Itxas Argia taldearen helbide elektronikoaren bidez: elkartea[abildua]itxas-argia.com. Azken orduko izan-emateak egun berean egin ahal izango dira lasterketa hasi baino ordubete lehenagora arte. Korrikalariak 11:00etan abiatuko dira Andra Mari kiroldegitik. Bederatzi kilometrotako ibilbidea burutu behar izango dute maila guztietako parte hartzaileek. Haurren lasterketa (1998. urtean eta geroago jaiotakoak), berriz, 10:30ean hasiko da eta 2,5 kilometroko ibilbidea burutu behar izango dute parte hartzaileek.
Areeta-Bilbo lasterketa
Abenduaren 11n Areeta-Bilbo lasterketaren 17. edizioa jokatuko da 10:30etik aurrera. Proba Bizkaiko Zubian hasi eta Uribitarteko pasealekuan amaituko da 11.836 metrotako ibilbidea burutu ondoren. Izena emateko epea hilaren 5era arte zabalik egongo da eta salneurria 15 eurokoa izango da. Horretarako BHMren bulegora (Salazar generala, 2. Bilbo) jo beharko dute lasterkariek, 10:00etatik 14:00etara edo 16:00etatik 20:00etara. Telefonoz (944 238 659) zein helbide elektronikoz (bhm[abildua]eventosbhm.com) ere egin daiteke.
Zabalik dago Itziar Lopez de Uralderen Oroimenezko Lasterketan zein Andra Mariko Krosean izena emateko epea
Abendua atletismo lasterketez beteriko hilabetea izango da Getxo udalerrian. Hilaren 18an, Itziar Lopez de Uralderen Oroimenezko Lasterketaren 28. edizioa jokatuko da eta, astebete geroago, hilaren 25ean, Andra Mariko Krosaren 30. edizioa. Proba horietarako izena emateko epea gaur bertan zabaldu dute. Itziar Lopez de Uralderen Oroimenezko Lasterketari dagokionez, hilaren 14 arte Itxartu Taldearen webgunearen bitartez egin daiteke inskripzioa edo bestela ondoko lekuetara hurbilduz: Fadura kiroldegia, Kantxa Kirol Moda eta Gaztañaga Kirolak, Algortan; Deportes Alejo Uribe, Areetan eta Astrabuduan; Bikila, Bilbon; Sportlandia, Portugaleten; eta Objetivo Sport, Santutxun zein Galdakaon. Azken orduko izen-ematea hilaren 15an egin ahal izango da Algortako batzokian. Oroimenezko lasterketan parte hartuko duten korrikalari guztiek zein testigantzazko proba egingo duten 18 urtetik gorakoek bost euro ordaindu behar izango dituzte. Testigantzazko lasterketan parte hartzen duten 18 urtetik beherakoentzat, berriz, dohainik izango da. Oroimenezko lasterketa goizeko 11etan izango da eta bederatzi kilometrotako ibilbidea burutu behar izango dute korrikalariek. Testigantzazko lasterketa bi kilometrotakoa izango da eta 10:30ean hasiko da. Argazkian, Itziar Lopez de Uralderen Oroimenezko Lasterketaren aurreko edizio bat / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun