Justuri irratiari buruzko dossierra
Uribe Kosta eta Erandioko euskalgintzaren zazpi elkartek indarrak batu dituzte Justuri (tximista, bertoko euskaraz) irrati euskalduna sortzeko. Datozen asteotan zabalduko den FM irratientzako deialdian, Eusko Jaurlaritzak Uribe Kostako euskaldunei lau lizentzietatik bakarra gordetzea salatu dute. Eskualdean ia 100.000 euskaldun aktibo zein pasibo bizi dira eta orain arte irratien %13a baino ez dute beren hizkuntzan izan. Gauzak horrela, ez daude aukera txiki hori ere galtzeko prest. Horregatik, irratia lortzeko auzolanean murgildu eta bazkidetza kanpainari ekingo diote. Izan ere, "Uribe Kosta eta Erandioko elkarte kolektibo eta pertsona guztiek ateak irekita izango dituzte proiektuan parte hartzeko", Amaia Arriaga eta Iñigo Fernandez de Martikorena ekimeneko bozeramaileek goizean egindako prentsaurrekoan (mp3) adierazi dutenez. Kanpainaren abiapuntua gaur arratsaldean jarriko dute, Algortako Aldai Patronatuan 19:30ean egingo duten aurkezpena dela medio. Egitasmo berriari bere ondare guztia emango dio Koska irratiak, egun hauetan bere desagerpena iragarri duena.
Ekimeneko antolatzaileek zabaldu dutenez, irratia multimedia, parte-hartzailea, euskaldun eta tokikoa izango da, komunitateari zerbitzu publikoa eman eta Euskal Herriko beste irratirekin elkarlanean arituko dena. Oraingoz honako eragileek osatu dute talde sustatzailea: Berbalamiñe Leioako euskara elkartea, Betiko ikastola, Bizarra Lepoan Getxoko euskara elkartea, Erandion Euskaraz Berbots!, Koska irratia, UK aldizkaria eta Ukberri.net.
Justuri irratiari buruzko dossierra
Justuri irratiari buruzko dossierra
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun